Развиваме методи за оптимално димензионирање и работа на системите за складирање на енергија низ различни апликации во електргетскиот и топлинскиот сектор. Исто така, истражуваме како електричните возила можат да се интегрираат во електроенергетските системи со најмал трошок и во поддршка на поголем удел на обновливи извори на енергија.

Развиваме напредни аналитички и дигитални алатки за управување со енергија. Користејќи податочна анализа, машинско учење, вештачка интелигенција и дигитални близнаци ги следиме, анализираме и оптимизираме енергетските текови во реално време. Истражувањето во оваа област е насочено кон подобра прогноза на производство и оптоварување, предиктивно одржување, откривање на аномалии и донесување одлуки во сложени енергетски системи.

Се фокусираме на математичко моделирање и оптимизација на секторско‑поврзани енергетски системи. Развиваме алатки за интегрирано планирање кои поврзуваат ги земаат предвид електричната енергија, греењето, ладењето и транспортот, вклучувајќи ги и техничките и социо‑економските аспекти на транзицијата. Овие модели им овозможуваат на носителите на одлуки и засегнатите страни да дизајнираат економски ефикасни и одржливи енергетски стратегии што се усогласени со локалните и меѓународните регулативи.

Истражуваме дистрибуирано производство на енергија, микромрежи и потрошувачи-производители. Анализираме како дистрибуираните енергетски ресурси како што се фотонапонски панели на покриви, батериски системи и електрични возила можат да се интегрираат во дистрибутивната електроенергетска мрежа. Нашето истражување развива стратегии за локално балансирање на енергијата, управување со потрошувачката и безбедна комуникација помеѓу уредите за овозможување флексибилни и отпорни енергетски системи.